15.07.2014 - Спорт

Җиңү пьедесталында – Бакалы вәкилләре

Югары Яркәйдә волейбол буенча Фә­рит Мәрвәров призына бәйге оештырылды. Анда хуҗалардан тыш Уфа, Октябрьский, Нефтекама, Дүртөйле, Туймазы шәһәрләреннән, Чакмагыш, Бакалы, Шаран, Кушнаренко, Татарстанның Актаныш районнарыннан командалар катнашты. 

Мәктәп укучылары арасында көрәш аеруча киеренке барды. Бакалы егетләренә тиңнәр булмады. Җиңү пьедеста­лының икенче-өченче баскычларына Чакмагыш белән Илеш волейболчылары кү­тәрелде. Хатын-кызлар командалары арасында хуҗалар җиңде. Икенче-өченче урыннарда — Чакмагыш белән Дүрт­өйле вәкилләре.
Ир-егетләр командалары арасында да бакалы вәкилләре отты. Икенче урында — нефтекамалылар. Уфаның Г. Куватов исемендәге республика клиник дәва­ханәсе спортчылары бронза медальләргә лаек булды.
Ярышның дәрәҗәсе елдан-ел арта бара. Һәвәскәр волейболчылар киләсе елда да Илеш җирендә очрашачак.

Илфира НИГЪМӘТУЛЛИНА.