Очкын

Соскы да ясыйлар, “йорт” та төзиләр...

30 января

Уфаның 84нче татар гимназиясендә балалар хезмәт дәресендә тормышта кирәге чыгардай һөнәрләр үзләштерә

Сер түгел, күпчелек шәһәр малайлары чүкеч-пычкыны дөрес тота да белми. Бу күренештә аларны гаепләп тә булмый, чөнки шәһәрдә аларның мәшәкатьләре чүп чыгару, кибеттән икмәк-сөт алып кайту белән чикләнә. Шул ук вакытта, дөнья көтү өчен бик күп һөнәр белү таләп ителә. Билгеле, әти-әниләр мәктәптә хезмәт дәресе укытучысына зур өметләр баглый. Бу җәһәттән Уфаның 84нче татар гимназиясенең технология укытучысы Риф Кәлимуллин күпләргә үрнәк була ала. Һәр дәрестә балаларга тормышта кирәкле һөнәр өйрәтә ул.

Олимпиада җиңүчеләре билгеләнде

30 января

Быел 9-11нче сыйныфлар арасында инглиз һәм француз телләре, астрономия, сәнгать һәм мәдәният, география буенча узган республика олимпиадасында 480 мәктәп укучысы көч сынашты. Аларның сигезе — җиңүче, 104е призер булды.

Матур хыяллар чынбарлыкка әйләнсен

26 декабря

Быел Мәскәүгә, Кремльдәге Чыршы бәйрәменә Башкортстаннан 115 укучы барачак

Шәһәрдәге 2нче гим­назия­нең VIII сыйныф уку­чысы Эльвира Сәяхованың Мәскәүгә, Президент Чыршысына барачагы хакында хәбәр таралгач, моңа барысыннан да ныграк аның картәнисе, мәгариф ветераны, 42 ел гомерен балаларга белем һәм тәрбия бирүгә багышлаган Римма Вафа кызы Мусина шатлангандыр. Чөн­ки ул заманында Кремльдәге шундый тантанага бару турында хыялланган булган. Үзенә андый бәхет эләкмәсә дә, сөекле оныкасы аның кайчандыр күңел түрендә йөргән матур хыялын чынбарлыкка әйләндерәчәк бит!

Мәктәбебез маягы

26 декабря

Туймазы шәһәренең 7нче урта мәктәбендә бик талантлы кыз бар. Айгөл Әхмәдиева дүртенче сыйныфта “дүртле” һәм “бишле” билгеләренә генә укый. Ул китаплар укырга бик ярата. Бигрәк тә урыс теле һәм әдәбияты, татар теле һәм әдәбияты фәннәрен яратып үзләштерә. Шәһәр күләмендә үткәрелгән бәйгеләрдә дә һәрвакыт алдынгы урыннар ала.

Бүләкләре һәрвакыт әзер

28 ноября

Бәйрәм якынлашу белән, һәркем туганнарына, дусларына бүләк әзерләү хәстәре белән яна. Ниндирәк сюрприз ясарга, аны каян алырга? Ярмәкәй районының Тарказы мәктәбе укучыларының исә бүләкләре һәрвакыт әзер. Алар аны үз куллары белән ясый. — Без бушаган шампунь савытларыннан, пластик шешәләрдән, кәнфит кәгазьләреннән, кирәкмәгән кием-салымнан укучыларым белән төрле уенчыклар тегәбез, картиналар, паннолар ясыйбыз. Кул эшләрен төрле конкурсларга, күргәзмәләргә дә алып барабыз. Узган уку елында районда технология буенча беренче урын алдык. Укучыларым иҗаты иң яхшысы дип табылды. Башкалада ел саен үткәрелеп килүче “Модные штучки” конкурсында да уңышлы чыгыш ясадык. 8 сыйныф укучылары Эльвина Ялаева, Лилия Шәрәфетдинова, Илүзә Фаткуллина “Сәнгать ансамбле” Бөтенрусия конкурсында катнашып, дипломнарга лаек булды, — ди мәктәп директорының укыту-тәрбия эшләре буенча урынбасары, технология укытучысы Лилия Шәймәрданова.

Рәссам да, умартачы да ул

28 ноября

Илнара Янова Байгилде авылы лицееның 11нче сыйныфында укый. Уку алдынгысы, сыйныфтан тыш эшләрдә дә актив катнашучы кыз бик матур итеп рәсем дә төшерә. Түбән сыйныфларда укыганда ук кызның бу сәләтен рәсем дәресеннән укытучы Ләйсән Мөхәммәтьяр кызы күреп кала һәм Илнара белән ныклап шөгыльләнә башлый. Шул рәвешле лицейдагы плакатлар, сыйныф өчен стендлар барысы да диярлек бүген Илнара кулы аша үтә. Былтыр ул район күләмендә үткәрелгән “Без наркотикларга каршы” рәсем конкурсында катнашып, беренче урын яулаган. Илнара табигатькә, матурлыкка гашыйк.

Эмильне чит илдә дә таныйлар

28 ноября

Тамырлары белән Илеш районының Түбән Череккүл авылыннан булган, бүгенге көндә Уфа районының Миловка авылында яшәүче Ә. Искужин исемендәге музыка мәктәбенең 5нче сыйныф укучысы Эмиль Шамратов соңгы вакытта әти-әнисен, картәти-картәниләрен, туганнарын һәм укытучыларын берсеннән-берсе күркәмрәк уңышлары белән куандыра.

Күңелле дә соң туган көн!

28 ноября

Түбән Яркәй авылында урнашкан лицеебыз агымдагы елның 1 сентябрендә генә үз ишекләрен ачты. Шулай булуга карамастан, без инде дистәгә якын чара үткәрергә өлгердек. Күптән түгел лицеейда башлангыч сыйныф укучылары катнашлыгында туган көн бәйрәме узды. Башлангыч сыйныфларда барлыгы 44 бала белем ала. Аларның 24е җәй һәм көз айларында туган. Бу көнне әнә шул айларда туган балалар хөрмәтләнде.

Балкып янучы йолдыз

31 октября

Сәхнәдә — “Айгөл иле”. Тамашачылар тын да алмый уенны күзәтә. Күзәтә генә түгел, алар үзләре дә шунда: артистлар белән бергә яши, шатлана, көлә, кайгыра сыман. Кем соң тамашачыны сәхнә уены белән шулкадәр җәлеп иткән? Алармы, бу кечкенә артистлар – мәктәп укучылары. Дөресрәге, башкорт гимназия­сендә белем алучылар. Ә сәхнәдә үз-үзләрен тотуларына, килештереп уйнауларына караганда, әйтерсең лә гомер буе театрда эшләгәннәр!

Сәләтле һәм максатчан алар

31 октября

Мәктәп лидеры, 9нчы сыйныф укучысы Алина Мофаздалова “Ел укучысы” исе­менә лаек булган сәләтле кыз. Уку алдынгысы буларак та, спортта югары күрсәт­кечләргә ирешүе белән дә районда мактаулы ул. Алина узган уку елында математика һәм башкорт теле буенча район олимпиадасында 1нче урын алган. Кыю кыз җитәкләгән кызлар коман­дасының чаңгы ярышында җиңү яулап кайтуы да, район күләмендә йөгерү буенча оештырылган кросста алдынгылар сафында булуы да мәктәп данын күтәрә.