29.05.2014 - Очкын

Якутстаннан җиңеп кайтты

Укучыларның физкультура буенча 15нче Русия олимпиадасы берничә этаптан тора, тәүдә — сыйныф, аннары мәктәп һәм район күләмендә  җиңүчеләр генә республика дәрәҗәсендәге ярышларда катнашу хокукы ала. Бәйгеләр биш төрдә үткәрелә: болар – спорт тарихы буенча тест,  йөгерү, баскетбол, каршылыклар полосасы һәм акробатика. Район мәктәпләре кү­ләмендә иң яхшы нәтиҗә күрсәтеп, Радмир Стәрлетамакта үткәрелгән республика олимпиадасында призлы урыннар ала. Өметле спортчыны Якутск шәһәрендә Бөтенрусия олимпиадасында чыгыш ясаячак Башкортстан җыелма командасына кертәләр.

— Ярышлар 12-18 апрель­дә үтте, — ди Радмир. — Анда бару безнең өчен мавыктыргыч сәяхәт булды, чөнки тәүдә Уфадан Мәс­кәүгә юлландык, аннан Якутскига очтык. Мөмкин­лек­тән файдаланып, олимпиадада катнашуны хәс­тәрләгән район җитәкче­ләренә, мәга­риф бүлегенә зур рәхмәт әйтәсем килә.

Зур җаваплылык тойган үсмер ярышларда сынатмый. Әйткән­дәй, бәй­геләрдә күре­некле спортчылар, шул исәптән, Сочи олимпиадасы чемпионннары да, судьялар була. Ярышлар программасына спорт­ның биш төре керә, аларда Русиянең барлык төбәкләреннән 95 команда катнаша.

Дәвамын укыгыз...