Куллары тылсымлы аның

Нуриман районының Красная Горка мәктәбенең тугызынчы сыйныф укучысы Милена Зиннәтуллина – мәктәп горурлыгы. Математика сыйныфында тырышып укуына карамастан, Миленаның кулыннан каләм төшми.

Өч яшьлек чагында ук  әнисенең рәсемен төшереп, тирә-яктагыларның игътибарын җәлеп иткән ул. Шул чордан башлап каләм  кызыкайның яраткан “уенчыгына” әверелгән. Милена район сәнгать мәктәбенең художество-графика классында  биш ел шөгыльләнә. Сызым һәм рәсем сәнгате буенча укытучы Эльвера Юферова да Миленаны иң сәләтле укучыларның берсе дип мактап телгә алды. Ул натюрморт, портрет-образларны аеруча яратып төшерә.

Быелгы уку елында  Миленага уңыш артыннан уңыш елмайган: рәсем сәнгате номинациясендә ул “Сәләтле балалар: буяулар һәм моң”  Бөтенрусия фестивалендә III дәрәҗә диплом белән бүләкләнгән, информатика буенча мәктәпләр арасында  беренче урын алган, район буенча математика, тарих фәненнән олимпиадаларда алдынгы урыннарны яулаган.

Дәвамын укыгыз...