Сыйфатлы белем — үсешнең төп факторы

Мәгариф буенча республика август киңәшмәсе кичә Салават шәһәрендә узды. Пленар утырышта республика Президенты вазыйфасын вакытлыча башкаручы Рөстәм Хәмитов, Хөкүмәт Премьер-министры урынбасары Лилия Гомәрова, министрлык һәм ведомстволар җитәкчеләре, югары уку йортлары ректорлары, район һәм шәһәр хакимияте башлыклары, аларның урынбасарлары, мәгәриф бүлекләре начальниклары, профсоюз оешмалары рәисләре, укытучылар, чакырылган кунаклар катнашты. Эшлекле киңәшмәнең темасы — “Сыйфатлы белем бирү — республиканың тотрыклы үсешенең төп факторы”.

Эш сәфәре вакытында Рөстәм Хәмитов, Салават шәһәренең мәгариф учреж­дениеләре белән танышып, үз бәясен, киңәш­ләрен ишет­терде. Тәүдә ул Салават шә­һәренең 1нче гимназиясендә булды. Уку йортында 736 бала белем ала, югары белемле 58 укытучы эшли, аларның 37се — югары квалифи­кацияле белгечләр. Гимназия “Русиянең алдынгы мәгариф учреждениесе” дәүләт реестрына кертелгән.
Арытаба республика җитәкчесе Салават шә­һәренең индустриаль колледжында булды. Ул 1957 елдан бирле уңышлы эшләп килә. Уку йортында 13 белгечлек һәм 9 һөнәр буенча белем алырга мөмкин. Кадрларга төп заказ бирүче — “Газпром нефтехим Салават” җәмгыяте. Кол­леджның уку корпуслары, тулай торагы, ашханәсе, китапханәсе, медицина пункты, спорт базасы бар.
Пленар утырыш Салават шәһәренең сәләтле балалары чыгышы белән ачылды. Сәхнәгә бер-бер артлы спортчылар, биючеләр, республика һәм Русия олимпиадалары җиңү­челәре чыкты.
Чараның төп өле­шендә мәгариф системасындагы өстенлекле юнәлешләр билгеләнде.
Тәүдә Рөстәм Хәмитов мәктәпкәчә мәгариф учреж­дениеләре алдында торган сорауларга тукталды, 2015 елның ахырына балалар бакчасына чират темасына нокта куелачагын әйтте.

Ахыры ПДФ-версияда