Яңалыклар

Мәскәүгә алты сәгатьтә барачакбыз!

05 июня

Югары тизлекле Мәскәү — Казан — Екатеринбург тимер юлы магистраленең Уфа тармагын төзү буенча Хөкүмәт утырышы үтте. Проектны тикшерү максатында заказчы (“Тизлекле магистральләр”) һәм генераль проектлаучы (“Ленгипротранс”) җәмгыятьләре вәкилләре килде. Киңәшмә ахырында Хөкүмәт Премьер-министрының беренче урынбасары Рәүф Ногманов журналистларга проект турында сөйләде. — Югары тизлекле Мәскәү — Казан — Екатеринбург магистрале 1,5 мең чакрым озынлыгында булачак. Нигездә, ул гамәлдәге тимер юллардан үтәчәк, алар реконструкцияләнәчәк. Тимер юлы булмаган урыннарда яңа юллар, шулай ук Уфа, Пермь, Ижевск тармаклары төзеләчәк, — диде ул. Рәүф Ногманов сүзләренә караганда, Башкортстанда тизлекле тимер юлы 200 чакрым булыр, шуның 160 чакрымы — Уфадан төп магистральгә кадәр ара Яңавыл районыннан үтәр, дип көтелә. Яңавылдан Уфага кадәр дүрт станция булдыру планлаштырыла. Шулай ук Яңавылдан яисә Чернушкадан Пермь һәм Уфа ягына тармак сузылачак.

“Башнефть” яңарыш юлында

04 июня

“Новойл” компаниясендә республикабызның нефть эшкәртү тармагында беренчеләрдән булып яңа корылмалар комплексы сафка басты Гүзәл Башкортстаны­быз­ның төньягыннан Уфага килеп кергәндә бихисап мәйданнарны биләгән нефть эшкәртү заводларын, анда урнашкан мәһабәт биналарны күзләп, республи­каның икътисад, сәнәгать ягыннан көчле, куәтле төбәк икән­леген аңлау күңелдә горурлык хисе уята. Хозур табигате, җир өсте һәм җир асты байлыклары белән дан тотучы Башкортстан көннән-көн чәчкә ата, алга бара, зур үсеш юлыннан атлый. Республикадагы иң эре предприятиеләрнең берсе буларак, “Башнефть” акционерлар нефть компаниясе —Русиянең егермедән артык төбәгендә һәм чит илләрдә үз эшчәнлеген киң җәелдергән вертикаль-интеграл нефть компаниясе. Үткән елгы нәтиҗәләргә караганда, ул Русиянең нефть компанияләре арасында нефть чыгару буенча беренче унлыкта булса, “кара алтын”ны беренчел эшкәртү күләме буенча бишенче урынны били. “Башнефть” акционерлар нефть компаниясенең филиалы “Башнефть — Новойл” компаниясендә күкерт кислотасы катнашлыгында алкиллаштыру һәм кулланылган күкерт кислотасын регене­рацияләү җайланмалары комплексы файдалануга тапшырылды. Бүгенге көндә Башкорт­станның нефть эшкәртү пред­приятиеләрендә мондый корылмалар комплексы башкача юк. Эре инвестицион проектны файдалануга тапшыру тантанасында Русия Федерациясе Хөкүмәте вице-премьеры Аркадий Дворкович, Башкортстан Республикасы Президенты Рөстәм Хәмитов, “Система” корпорациясенең Директорлар советы рәисе Владимир Евтушенков, “Башнефть” компания­сенең Директорлар советы рәисе Феликс Евтушенков һәм компаниянең президенты Александр Корсик катнаштылар.

Фонд коллективы файдалы бүләк ясады

01 июня

Бу башлангыч җәмәгатьчелектә хуплау тапты. Әлеге игелекле эштә катнашырга теләүчеләр саны көннән-көн арта. Русия Федерациясе Социаль страховкалау фондының Башкортстан бүлекчәсе коллективы да әлеге изге эштән читтә калмады. Фонд хезмәт­кәрләре әкият китаплары, нәфис һәм фәнни әдәбият, шигырь җыентыклары, дәреслекләр китерде. Бу китаплар Мостай Кәрим исемендәге 158нче гимназиядә үз укучыларын табачак. Төбәк бүлекчәсе идарәчесе Марат Латыйпов гимназиядә үткән Сабантуй бәйрәмендә әлеге китапларны тантаналы рәвештә укучыларга тапшырды.

Югары тизлекле поезд безгә дә киләчәк

30 мая

Русия Президенты Владимир Путин югары тизлекле тимер юл транспортын үстерү мәсьәләләре буенча утырыш үткәрде.

Фронт съезд җыя

30 мая

Гомумрусия халык фронтының Башкортстандагы вәкилләре журналистлар белән очрашты. Анда фронтның эшчәнлеге һәм Мәскәүдә үтәчәк Гомумрусия халык фронты съездында республикадан катнашачак делегатлар турында сүз барды.

Җиңүчеләр бүләкләнде

28 мая

Уфада Русиядә эшкуарлар көне уңаеннан конференция булды. Чарада Башкортстанда эшкуарлар хокуклары буенча вәкил Рафаил Гыйбадуллин журналистларның эшкуарлар хокукларын һәм законлы мәнфәгатьләрен яклау темасын яктыртуга багышланган конкурсында җиңүчеләрне котлады, диплом һәм бүләкләр тапшырды.

Дәрәҗәле форум Уфада үтте

23 мая

Кичә Уфаның Конгресс-холлында “Евромания” Инвестиция форумы узды. Бу — республика Хөкүмәтенең хезмәттәшлек турында килешү кысаларында шушы компания белән берлектә үткәргән тәүге очрашуы.

Банк белән дуслаш һәм бүләк ал!

22 мая

“Россельхозбанк” җәмгыятенең Башкортстан филиалы Салават шәһәрендә яңа бүлекчә ачты. Анда шәхси һәм корпоратив клиентларга хезмәтләр күрсәтеләчәк.

Халык торак шартларын яхшырта алачак

17 мая

Торак-коммуналь хуҗалыкны реформалаштыруга булышлык итү фонды Башкортстанга 196,21 миллион сум акча бүләчәк. Дәүләт корпорациясе идарәсе республиканың күпфатирлы йортларына капиталь ремонт үткәрү өчен финанс ярдәме күрсәтүгә заявкасын хуплады.

Бердәмлек җыены

16 мая

Мәскәүдә “Евразия интеграциясе: яңа мәсьәләләрне яңача хәл итү” дигән темага халыкара конференция булып үтте. Аны Русия журналистлар берлеге ярдәме белән “Яңа ефәк юлы” фонды һәм Террористик хәвефне анализлау үзәге (ТХАҮ) оештырды. Башкаланың “Президент-Отел”ендә барган җитди сөйләшүгә БДБ илләре вәкилләре һәм Русиянең күренекле җәмәгать эшлеклеләре, сәясмәннәр, депутатлар, матбугат хезмәткәрләре чакырылган иде. Конференциядә Русия журналистлар берлеге идарәсе рәисе Всеволод Богданов, секретаре Тимур Шафир һәм федерация советы әгъзасы Марсель Сәлимов катнашты.