Башкалабыз матурлана, күркәмләнә, ямьләнә

Президент вазыйфасын вакытлыча башкаручы Рөстәм Хәмитов “Независимая газета”га интервью­сында белдерүенчә, ШОС әгъзалары булган дәү­ләт­ләр башлыклары советы утырышына һәм БРИКС дәү­ләт­ләре һәм хөкүмәтләре җитәкчеләре очрашуына әзерлек кысаларында Уфада җәелдерелгән төзелеш эшләре киләсе елның 1 маена тулысынча тәмам­ла­на­чак. Бар­лык кунакханәләрнең дә файдалануга тапшырылу срогы — 2015 елның марты, әмма аларның кү­бесе кунак­лар­ны киләсе ел башында ук кабул итәргә әзер булачак. Узган атнада Рөстәм Зәки улы эш сәфә­ре барышында объ­ект­лар төзелеше һәм үзгәртеп кору эшләре белән танышты.

Кунакханәләр
Республика җитәкчесе дөньякүләм билгеле Holiday inn һәм Hampton by Hilton кунакханәләр челтәренең төзелеш майданчыкларында булды.
Holiday inn кунакханәсе төзелешенең техник күзәтчелек бүлеге начальнигы Нәгыймулла Сәлимов сүзләренә караганда, эчке эшләрне башкарганда бары тик үзебездә җитештерелгән материаллар гына кулланыла.
Әле төзелешнең иң кызган мәле булуга карамастан, экспозиция өчен өч бүлмә әзер. Аларны күреп, киләчәктә кунакханәнең нинди ямьле һәм уңайлы булачагын күз алдына китерәсең. Мөмкинлекләре чикле кешеләр дә монда игътибарсыз калмаячак: алар өчен барлык җайланмалар белән махсус бүлмәләр бар. Махсус лифт, бәдрәф һәм юыну бүл­мәсе дә инвалидлар өчен тиешенчә җиһаз­ландырылган.

Ахыры ПДФ-версияда