Көнүзәк

Корылык бәкәлгә сукты

13 июля

Республикада ярты миллион гектар чәчүлек зыян күргән

Республика дүртенче ел корылыктан интегә. Бүгенге көнгә Башкортстанда шул рәвешле чәчү мәйданнарының дүрттән бер өлеше — ярты миллион гектар чамасы зыян күргән. Республика Хөкүмәте Премьер-министры урынбасары Эрнст Исаев үткәргән селектор киңәшмәсе шушы мәсьәләгә багышланды. Анда Хөкүмәт, Авыл хуҗалыгы министрлыгы җитәкчеләре, район һәм шәһәр хакимиятләре башлыклары, белгечләр катнашты. — Илнең унөч төбәге корылык кичерә, бу проблема күптән түгел Русия Хөкүмәте җитәкчесе Дмитрий Медведев үткәргән чарада да күтәрелде. Бездә дә корылык хәлне катлауландырды. Язын явым-төшем җитәрлек дәрәҗәдә булып, яхшы уңыш өчен нигез салынган иде, ләкин июньнән кайбер районнарда яңгыр яуганы юк, — дип белдерде ул. Республика буенча һәр шартлы малга, былтыргы күр­сәткечне арттырып, уртача 9,5 центнер азык хәзерләнгән булса да, аның күпчелеге 20-30 процентка туклыклылыгын һәм сыйфатын югалткан. “Без үләннәрне икенчегә чабуны соңлаттык. Кайбер районнарда бу хәл бигрәк тә сүлпән бара”, — дип белдерде Эрнст Фәрит улы.

Сакланганны саклармын, дигән

13 июля

Уттан да, су казасыннан да җәйге чорда аеруча нык саклану зарур. Бу хакта “Баш­информ” агентлыгында узган матбугат конференциясендә җитди сөйләшү булды.

Корылык уңышка зыян салды

11 июля

9 июльдә Башкортстан Президенты Рөстәм Хәмитов 2013 елда урып-җыю эшләрен үткәрү мәсьәләләренә багышланган киңәшмәдә катнашты. Аны Русия Хөкүмәте Рәисе Дмитрий Медведев алып барды.

Аз микъдарда - дару, күпкә китсә - агу

11 июля

Халыкны республикада мигрантларның көннән-көн артуы борчый

Билгеле журналист Андрей Карауловның тапшыруында булды бу сюжет. Мәскәүнең бер Кытай ресторанына “Урысларга керү тыела” дигән язу элгәннәр. Русиягә килеп, урнашып, бизнес ачып, шул илнең иң күпсанлы халкын кертмәскә булган болар. Мигрантлар илебездә ничек тели, шулай яши башлады түгелме? Безне, законнарны санга сукмыйлар, илгә яшерен үтеп керәләр, теркәлмичә яшиләр, салым түләмиләр, җитмәсә, безнең халыкны читкә тибә дә башладылар кебек.

Агыйдел табышлы шәһәр булырга тиеш!

09 июля

Төбәкне социаль-икътисади үстерү мәсьәләләренә багышланган киңәшмәдә шундый бурыч куелды

6 июльдә Башкортстан Президенты Рөстәм Хәмитов Агыйдел шәһәрендә булды. Эш сәфәренең беренче объекты — “Агыйдел” елга порты. Ул 10 мең тоннага кадәр су сыешлы “елга-диңгез” төрендәге суднолар кабул итәргә сәләтле. Елга портында нефть продукты терминаллары, шулай ук биш причаллы йөк терминалы бар. Йөк монда тимер юл һәм автомобиль транспорты белән китерелә. Президент терминалларны карады. Монда порт объектлары кем милкенә каравы мәсь­әләләре тикшерелде. Ачыкланылуынча, портны тиешле файдалану өчен аның юридик яктан бүленүе комачаулый икән: объектларның бер өлеше шәхси милектә, икенче өлеше федераль карамакта. Башкортстан Президенты портның арытабангы үсеше перспективалары белән кызыксынды. Проектлаучылар сүз­ләренә караганда, яңа причал төзү планлаштырыла. Чөнки гамәлдәгесе техник таләпләргә җавап бирми. Моннан тыш, әлеге вакытта йөк ташу терминалы реконструкцияләнә. Бу терминалдан 2 миллион тон­нага кадәр йөк озатырга мөмкин. Нефть тутыру терминалы әле эшләми. Нефть продукт­лары өчен тор­баүткәргеч транспорты булмаганлыктан аны файдалану икътисади яктан отышлы түгел. Терминалны эшкә кушу өчен төрле вариантлар уйланыла. Әлеге вакытта бу терминалны “Баш­нефть” җәм­гыяте белән берлектә үстерү буенча карар кабул ителде. Рөстәм Хәмитов “Джут-СТ” җәмгыяте җитештергән силикат кирпече заводында булды. Заводның проект куәте — аена 6 миллион кирпеч. Чынында исә завод 20 процент — 1 миллион кирпеч җитештерә. Бу продук­циягә ихтыяҗның аз булуы белән аңлатыла.

Суда йөзәләсеңме?

09 июля

Башкортстанның елга һәм күлләрендә батып үлүчеләр саны арта

Җәй уртасы җитеп килә. Эссе көннәр күпләр өчен фаҗига белән тәмамлана. Су керү күпләрнең гомере өзелүгә сәбәп була. Суда бәлагә тарымас өчен нинди кагыйдәләрне белү мөһим? Суга батучыга ничек ярдәм күрсәтергә? Түбәндә сүз шул хакта.

Законны бозалар, нәтиҗәлелек юк

06 июля

Башкортстан Фәннәр академиясе кайчан тиешле дәрәҗәдә эш күрсәтә башлар?

Башкортстан Фәннәр академиясенең гыйльми эшчәнлеге һәм тикшеренүләре дәүләт программаларын, фәнни-техник казанышларны, инновацион проектларны тормышка ашыруда мөһим роль уйный. Шушы максатларга казнадан байтак акча бүленә. 2010-12 елларда, мәсәлән, Фәннәр академиясенә фундаменталь һәм фәнни-гамәли тикшеренүләр өчен бюджеттан 1,3 миллиард сум бирелгән. Шуның 839 миллион сумы — республика казнасыннан. Әлеге акча ни дәрәҗәдә максатлы тотынылган? Республика Контроль-исәп палатасы утырышында шушы мәсьәлә каралды.

Уяулыкны югалтмагыз!

06 июля

Башкортстан Хөкүмәтендә район һәм шәһәр хакимияте башлыклары катнашлыгында селектор киңәшмәсе үтте. Аны республиканың Гадәттән тыш хәлләр һәм янгын хәвефсезлеген тәэмин итү комиссиясе рәисе, Хөкүмәт Премьер-министры урынбасары Марат Мәһәдиев алып бар

Янә билне кысып буабыз...

04 июля

1 июльдән тармакта тарифлар 12-15 процентка артты

Әлегә кадәр республика пред­прия­тиеләре коммуналь хезмәтләр өчен билгеләнгән тарифтан күбрәк, ә гади халык азрак түли иде. 1 июльдән су, җылылык, газ, электр энергиясе өчен тарифлар барысына да бертигезгә әйләнде. Бу турыда Тарифлар буенча дәүләт комитеты рәисе урынбасары Ирина Васимирская җиткерде.

Страховкалыйбыз, дигән булып...

04 июля

Дәүләтне 200 миллион сумга “утыртканнар”

2007-2012 елларда уңышны страховкалауга тотынылган акчаны каплауга бүленгән бюджет субсидияләре белән страховкалау оешмалары вәкилләре идарә итә. Республика Президенты каршындагы Дәүләт средстволарын нәтиҗәле файдалануга җәмәгатьчелек контроле буенча советның эшче төркеме тарафыннан бу өлкәдә бик күп закон бозулар ачыкланган. Советның чираттагы утырышында шушы мәсьәлә каралды.