Соңгы очрашу

Бөек драматург һәм якын дустыбыз белән соңгы очрашу 2013 елның 22 февралендә, вафатына бер ай кала узды. Гадәттәгечә, Нәҗип Асанбаевны республика хәлләре, театр яңалыклары кызыксындырды. Чирләгәнгә, үзе урамга чыгып йөрми, телефонга да җавап бирми иде. Әмма барысы хакында да хәбәрдар. Нәҗип абыйны 23 февраль белән һәм ирләр бәйрәменә туры килгән гәзитнең туган көне белән котладык. Ул да "Кызыл таң"чыларга теләкләрен юллады...